འགྲིམ་འགྲུལ་བཀག་སྡོམ་བརྡ་ཁྱབ།

མཚོ་སྔོན་པོའི་ཡུལ་སྐོར་དུས་ཚིགས་སླེབས་ལ་ཉེ་བའི་དུས་འདིར།  ཉེ་འགྲམ་གྱི་རླངས་འཁོར་དང་ཡུལ་སྐོར་མི་སྣ་ཡང་རིམ་བཞིན་ཇེ་མང་དུ་འགྲོ་སྲིད་པས། དེ་བས།  དེའི་མཐའ་སྐོར་ཀྱི་གཞུང་ལམ་སྟེང་འགྲིམ་འགྲུལ་དོན་རྐྱེན་མི་འབྱུང་བ་དང་ཡུལ་སྐོར་མི་སྣ་དང་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་ལ་འགན་སྲུང་བྱེད་ཆེད།  《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བགྲོད་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་དོན་ཚན་སོ་དགུ་བའི་གཏན་འབེབས་ལྟར།  མཚོ་སྔོན་པོའི་ཡུལ་སྐོར་ཆེད་སྤྱོད་གཞུང་ལམ（སྔའི་G109ལམ་རྒྱུད་ཀྱི་མཚོ་སྐོར་ཀྱི་ལམ་མཚམས）རིག་སྨོན་ནས་ཆུ་ཆེན་ཟམ་པའི་བར་འགྲིམ་འགྲུལ་བཀག་འགོག་བྱེད་རྒྱུ་ཡིན།

༡.བཀག་སྡོམ་བྱེད་པའི་དུས་ཚོད། 

    ༢༠༢༤ལོའི་ཟླ༤བའི་ཚེས༢༨ནས་ཟླ༡༠བའི་ཚེས༡༠ཉིན།

༢.བཀག་སྡོམ་ལམ་རྒྱུད། 

     མཚོ་སྔོན་པོའི་ཡུལ་སྐོར་ཆེད་སྤྱོད་གཞུང་ལམ（སྔའི་G109ལམ་རྒྱུད་ཀྱི་མཚོ་སྐོར་ཀྱི་ལམ་མཚམས）རིག་སྨོན་ནས་ཆུ་ཆེན་ཟམ་པའི་བར།

༣.བཀག་སྡོམ་རླངས་འཁོར་རིགས། 

     དངོས་ཟོག་སྐྱེལ་འདྲེན་རླངས་འཁོར།  ཉེན་ཆེའི་རྫས་འགྱུར་སྐྱེལ་འདྲེན་བྱེད་པའི་རླངས་འཁོར།  བཟོ་སྐྲུན་འཕྲུལ་ཆས་རླངས་འཁོར།  ཞིང་འཕྲུལ་རླངས་འཁོར། གློག་སྒུལ་རླངས་འཁོར།  རོལ་རྩེད་དང་རྩལ་འགྲན་རང་བཞིན་གྱི་རླངས་འཁོར། 

༤.བཀག་སྡོམ་བྱེད་ཐབས།  

     བཀག་འགོག་བྱེད་པའི་དུས་ཡིན་ནང་། གོང་གསལ་གྱི་འཁོར་རིགས་བཀག་སྡོམ་བྱེད་པའི་ལམ་རྒྱུད་སྟེང་བགྲོད་མི་ཆོག་པར། ངེས་པར་དུ་རིག་སྨོན་དང་། ཆུ་ཆེན་ཟམ་པའི་དངུལ་བསྡུ་ས་ཚིགས་བརྒྱུད་ནས་གུང་ཚྭ་མྱུར་བགྲོད་གཞུང་ལམ་མམ་ཡང་ན་རྒྱལ་ལམ་གསར་བའི109ལམ་ཐིག་བརྒྱུད་ནས་བསྐྱོད་དགོས། 

༥.    ལས་ཀའི་དགོས་མཁོའི་དབང་གིས་ངེས་པར་དུ་བཀག་སྡོམ་བྱས་བའི་ལམ་སྟེང་བསྐྱོད་དགོས་ཚེ། མཚོ་ལྷོ་ཁུལ་འགྲིམ་འགྲུལ་ཉེན་རྟོག་ཡན་ལག་རུ་ཁག་རིག་སྨོན་འགྲིམ་འགྲུལ་ཉེན་རྟོག་རུ་ཆེན་དུ་ཐོ་འགོད་སྙན་སེང་ཞུས་ནས་ཆོག་མཆན་ཐོབ་རྗེས།   ཉིན་རེའི་དགུང་མོའི་དུས་ཚོད22ནས་ཕྱི་ཉིན་སྔ་དྲོའི་དུས་ཚོད5བར་བསྐྱོད་ཆོག             

མཚོ་ལྷོ་ཁུལ་སྤྱི་བདེ་ཅུའུ་འགྲིམ་འགྲུལ་ཉེན་རྟོག་ཡན་ལག་རུ་ཁག་ནས།༢༠༢༤ལོའི་ཟླ༤བའི་ཚེས༢༦ཉིན།