གུང་ཧོ་རྫོང་གི་སྨན་ཁང་ཆེ་གྲས་ཀྱི་སྐོར་ཞིབ་སྤྱི་བསྒྲགས།

  《མཚོ་ལྷོ་ཁུལ་གྱི་སྨན་ཁང་ཆེ་གྲས་ཀྱི་སྐོར་ཞིབ་བྱ་བའི་ཇུས་གཞི》ཡི་བླང་བྱ་ལྟར། གུང་ཧོ་རྫོང་གི་འཕྲོད་བསྟེན་བདེ་ཐང་ཅུའི་ཏང་ཙུའུ་ཡིས་ཞིབ་འཇུག་བྱས་པ་བརྒྱུད་དེ་གུང་ཧོ་རྫོང་གི་སྨན་ཁང་ཆེ་གྲས་སུ་སྐོར་ཞིབ་བྱ་བ་སྤེལ་བ་གཏན་འཁེལ་བྱས། ད་ལྟ་འབྲེལ་ཡོད་བྱ་གཞག་སྤྱི་བསྒྲགས་བྱས་པ་ནི་གཤམ་གསལ་ལྟར་ཏེ།

       གཅིག སྐོར་ཞིབ་དུས་ཚོད།

       2024ལོའི་ཟླ5བའི་ཚེས13ཉིན་ནས་ཟླ5བའི་ཚེས17བར།

       གཉིས། སྐོར་ཞིབ་ཡིག་གཏུག་བདག་སྤྲོད་བྱ་ཡུལ།

       གུང་ཧོ་རྫོང་ཀྲུང་ལུགས་སྨན་ཁང་གི་འགོ་ཁྲིད་ཚན་ཁག་དང་དེའི་ཁོངས་མི། ནང་བཙུགས་ཚན་ཁག

       གསུམ། སྐོར་ཞིབ་ནང་དོན།

     གཞུང་བཙུགས་སྨན་ཁང་གི་ཏང་འཛུགས་སྐྱོང་དང་། ལས་རིགས་འཛུགས་སྐྲུན། འཁོར་སྐྱོད་དོ་དམ་བཅས་ཁག་གསུམ་ལ་དོ་སྣང་དམ་པོ་བྱས་ཏེ“ཡིན་མིན80”ལ་དམིགས་ནས་ཏང་གི་ཁྱོན་ཡོངས་ཀྱི་འགོ་ཁྲིད་དང་། སྨན་ཁང་དོ་དམ། སྨན་བཅོས་ཞབས་ཞུ། སྤུས་ཚད་བདེ་སྲུང། ནུས་པ་མཐོར་འདེགས། གཙོ་གནད་ཆེད་ལས་ཀྱི་འཛུགས་སྐྲུན། སྤྱོད་གཙང་ལས་སྒྲུབ། སྨན་པའི་ཀུན་སྤྱོད་དང་སྨན་བཅོས་སྤྱོད་ཚུལ་སོགས་དོན་འཁྱོལ་བྱས་ཚུལ་ལ་སྐོར་ཞིབ་བྱ་རྒྱུ་ཡིན།

       བཞི། སྐོར་ཞིབ་བྱེད་ཐབས།

    གུང་ཧོ་རྫོང་འཕྲོད་བསྟེན་བདེ་ཐང་ཅུའུ་ཡིས་མི་སྣ་ལེགས་སྒྲིག་བྱས་ནས་སྐོར་ཞིབ་ཚོགས་ཆུང་བཙུགས་ཏེ་རྫོང་ཀྲུང་ལུགས་སྨན་ཁང་ལ་སྐོར་ཞིབ་བྱེད་པ་དང་། སྙན་ཞུ་ཉན་པ་དང་ཚོགས་འདུར་ཟུར་ཞུགས་བྱེད་པ། དཔྱད་གཞིའི་ཡིག་རིགས་ལྟ་ཞིབ། བརྟག་དཔྱད་བཅར་འདྲི། ས་གནས་དངོས་ལ་ལྟ་ཞིབ།　ཚད་ལེན་ཚོད་ལྟ་དང་དཔྱད་བསྡུར་གཏན་འབེབས།  གྱོད་གཞི་རྗེས་འདེད། མ་ལག་རྗེས་འདེད་སོགས་ཀྱི་བྱ་ཐབས་སྤྱད་དེ་སྤེལ་རྒྱུ་ཡིན་ལ། སྐོར་ཞིབ་བྱེད་རིང་རྒྱ་ཆེའི་ལས་བྱེད་པ་དང་མང་ཚོགས་ཀྱིས་འཕྲིན་ཡིག་བསྐུར་བའམ་ངོ་གཏུག་ཏུ་ཕེབས་པ། ཡང་ན་གུང་ཧོ་རྫོང་འཕྲོད་བསྟེན་བདེ་ཐང་ཅུའུ་ཡི་བསམ་འཆར་ཡིག་སྒམ་ནང་དུ་ཡིག་གེ་བསྐུར་བ་སོགས་ཀྱི་བྱེད་ཐབས་བརྒྱུད་དེ་སྐོར་ཞིབ་ཚོགས་ཆུང་ལ་གུང་ཧོ་རྫོང་ཀྲུང་ལུགས་སྨན་ཁང་གི་འགོ་ཁྲིད་ཚན་ཁག་དང་དེའི་ཁོངས་མིའི་འབྲེལ་ཡོད་གནད་དོན་ཚུར་སྣང་བྱེད་པར་དགའ་བསུ་ཞུ།

       ལྔ། གནད་དོན་འདོན་པའི་ཐབས་ལམ།

      སྐོར་ཞིབ་བྱེད་རིང་ཡིག་སྐུར་ངོ་གཏུག་སྣེ་ལེན་བྱེད་ས་བཙུགས་ཡོད་པ་དང་། གློག་རྡུལ་ཡིག་སྒམ་དང་བསམ་འཆར་ཡིག་སྒམ་ཡང་བཀོད་ཡོད་ལ།  ཆེད་མངགས་ལས་རེས་ཁ་པར(འཕྲིན་ཐུང་བསྡུ་ལེན)ཤར་གཏོང་བྱས་ནས་མང་ཚོགས་ཀྱི་འཕྲིན་ཡིག་དང་ཁ་པར།  ངོ་གཏུག་བཅས་བདག་སྤྲོད་བྱ་ངེས་ཡིན།

  （གཅིག）ངོ་གཏུག་སྣེ་ལེན་བྱེད་ས། གུང་ཧོ་རྫོང་མི་དམངས་སྲིད་གཞུང་གི་ཐོག་ཁང་དང་པོའི་ཐོག་བརྩེགས་བཞི་བའི་ཁང་པ421ནང་།

       (གཉིས།)གློག་རྡུལ་ཡིག་སྒམ་ནི། ghxwj_094@163.com

       (གསུམ།)ཐེར་འདོན་ཁ་པར་ནི།   0974-8525262   

  （བཞི།）བསམ་འཆར་ཡིག་སྒམ་ནི་བསྡོམས་པས5བཙུགས་ཡོད་པ་སྟེ། གུང་ཧོ་རྫོང་མི་དམངས་སྲིད་གཞུང་གི་ཐོག་ཁང་དང་པོའི་ཐོག་བརྩེགས4པའི་ཁང་པ421དང་། ཐོག་བརྩེགས5པའི་ཁང་པ524ཡི་སྒོ་ཁ།  གུང་ཧོ་རྫོང་ཀྲུང་ལུགས་སྨན་ཁང་གི་སྒོ་ཁ། གུང་ཧོ་རྫོང་ཀྲུང་ལུགས་སྨན་ཁང་གི་སྲིད་འཛིན་ཐོག་ཁང་གི་མདུན་དང་།གུང་ཧོ་རྫོང་ཀྲུང་ལུགས་སྨན་ཁང་མཁར་བྱང་ཁུལ་གྱི་སྒོ་བསྟེན་སྨན་ཁང་གི་གཅིག་ཐོག་བཅས་སུ་བཙུགས་ཡོད། 

     ཡིག་སྐུར་ངོ་གཏུག་དང་ལེན་དང་ཁ་པར་བདག་སྤྲོད་བྱེད་པའི་དུས་ཚོད་ནི་ལས་ཞག་གི་ལས་ཚོགས་དུས་ཚོད་ཡིན་པ་དང་། སྔ་དྲོའི་ཆུ་ཚོད8:30ནས12:00བར། ཕྱི་དྲོའི་ཆུ་ཚོད14:30ནས18:00བར་ཡིན། མཚམས་འཇོག་དུས་ཚོད་ནི་ཟླ5ཚེས17ཉིན་ཡིན།

  《སྐོར་ཞིབ་ལས་དོན་སྲོལ་ཡིག》གི་གཏན་འབེབས་ལྟར་ན། གཙོ་བོར་སྐོར་ཞིབ་བྱ་ཡུལ་གྱི་གནད་དོན་ཚུར་སྣང་བྱེད་པའི་འཕྲིན་ཡིག་དང་ངོ་གཏུག་དང་ལེན་བྱ་རྒྱུ་དེ་ཡིན།  གཙོ་གནད་ནི་ཆབ་སྲིད་ཀྱི་སྒྲིག་ཁྲིམས་དང་རྩ་འཛུགས་ཀྱི་སྒྲིག་ཁྲིམས། སྤྱོད་གཙང་སྒྲིག་ཁྲིམས། བྱ་བའི་སྒྲིག་ཁྲིམས། འཚོ་བའི་སྒྲིག་ཁྲིམས་བཅས་སྐོར་གྱི་གནད་དོན་ཚུར་སྣང་བྱ་རྒྱུ་དེ་ཡིན།  སྐོར་ཞིབ་ལས་དོན་དང་ཐད་ཀར་འབྲེལ་བ་མེད་པའི་མི་སྒེར་གྱི་རེ་ཞུ་དང་། ཡང་ན་བཅའ་ཁྲིམས་དང་གཏུག་བཤེར་སོགས་ཀྱི་གནད་དོན་གཞན་དག་གི་བསམ་འཆར་རྣམས་རིམ་དབྱེ་འགན་འཁུར་དང་ས་ཁོངས་དོ་དམ་གྱི་རྩ་དོན་ལྟར་འབྲེལ་ཡོད་སྡེ་ཁག་ལ་བརྒྱུད་སྤྲོད་བྱས་ནས་ཐག་གཅོད་བྱ་རྒྱུ་ཡིན།

        ཆེད་དུ་སྤྱི་བསྒྲགས་བྱས་པ་ཡིན།

                                                    གུང་ཧོ་རྫོང་འཕྲོད་བསྟེན་བདེ་ཐང་ཅུའུ་ནས།

                                                          2024ལོའི་ཟླ5ཚེས10ཉིན།